Nos Joannes Franciscus Dei
et Apostolicae Sedis gratia Episcopus Frisingensis, Sacri Romani
Imperii Princeps etc. Et Nos Joannes Sigismundus Zeller Liber Baro ab
et in Leiberstorff, Ecclesiae Cathedralis Frisingensis Praepositus, Episcopus Bellinensis, Suffraganeus et Archidiaconus,
Joannes Henricus Franciscus Dominic[us] S[acri] Rom[ani] Imperii Comes de Hochenwaldegg et Mäxlrain, Decanus et Archipresbyter, Franciscus Antoni[us] Begnudelli[us] Bas-
sus S[acro]s[anct]ae Theol[ogi]ae Doctor, S[ummus] Scholasticus, Vic[arius] G[enera]lis et off[icia]lis, et Christianus Comes a Königsfeld, Senior, totumque Capitulum Cathedrale etc. etc. Con-
siderantes in humanis Deo hominibusque nil accepti[us] esse, quam Beneficia non tantum agnoscere, sed et eadem benefactorib[us] grata mente referre.
Cum itaque Sanctus Corbinianus Prim[us] hui[us] Ecclesiae nostrae Cathedralis Frisingensis Episcopus a seu ex Communitate de Castris, vulgo de Chastres, singula-
ri Povidentia Dei nobis collatus sit, Isque hanc ipsam Ecclesiam ope Divina plantaverit, rexerit et praecipue montem Frisigensem, in quo Eiusdem
Cathedralis Ecclesia sita etiamnum inconcussa reperitur, variis Bellorum temporibus contra gravissimos Hostium insultus saepius prodigiose protexerit,
nunc vero et signanter moderno tempore, quo Gens, ubi ante mille circiter annos vivere et miraculis clarescere coepit, cum Gente, ubi vivere quide[m]
desiit, at miraculis continuis in omnium Clientum memoria perennat, dirissimo bello colliditur, nobis utpote Genti adoptatae patria Eiusdem certa illuxerit
Genti vero nativae, Sacra Eiusdem Lipsana, imo totum Corpus, quod usque huc in decimum Saeculum in nostra Cathedrali asseruatur, cum ingenti suo gau-
dio ac ardenti desiderio huiusmodi Reliquias accipiendi, innotuerit. Idcirco, ut non tantum desiderium nostrum, quo in promovendo et
augendo Cultu praefati nostri Patroni S[ancti] Corbiniani, verum et Communitatis de Castris imo totius Patriae gaudium sit plenum, ut omnipotentis Dei
huiusque Sancti Confessoris et Episcopi Corbiniani honor et gloria magis magisque augeatur et dilatetur, Isque apud misericordissimum Coeles-
tem Patrem, quam mundus dare non potest, pacem potenti sua intercessione inter Christianissimos Principes Conciliet, in tesseram gratitudinis nos-
trae et ad instantiam nomine dictae Communitatis moderni Domini Pastoris et Parochi S[ancti] Germani de Castris Iacobi Lesguillon etc. necnon Domini Tem-
poralis et praecipuorum Incolarum ibidem factam, Integram dorsi vertebram, unan [!] integram Costam et aliam Costam non inte-
gram ex Corpore Eiusdem summa cum veneratione dessumpsimus, Capsulae ligneae intus serico multitio, exterius tela damascena Coopertae, funi-
culo pariter serico albi coloris ligatae inclusimus atque praelaudatae Communitati de Castris dono damus, ad effectum, has Sacras Reliquias vel
saltem Earum praecipuam partem in Ecclesia parochiali Sancti Germani ibidem in honorem Dei Sanctique Eiusdem Episcopi et Con-
fessoris Corbiniani Concivis sui cum debita veneratione asservandi, de cuius veneratione ac cultu ob inaestimabile Testimonium ab Emine[n]-
tissimo et Reverendissimo Domino Domino S[anctae] R[omanae] E[cclesiae] Cardinali ac Archiepiscopo Parisiensi de Noailles etc. nobis benignissime factum neutiquam
dubitamus, sed imo ob coniunctam vtriusque Gentis et Patriae ardentissimam devotionem deinceps ingens beneficiorum augmentum firmissima
spe nobis promittimus. In quorum omnium evidens robur et munimen hocce Instrumentum Antidori propriis manibus subscripsimus, et Nos
Ioannes Franciscus Episcopus et S[acri] R[omani] I[mperii] Princeps Sigillum maius, quo in Ecclesiasticis utimur, Reverendissimum Cathedrale Capitulu[m]
vero suum Capitulare consuetum appendi atque per infrascriptum Notarium Apostolicum expediri curavimus, ex Residentia nostra Frisin-
gae die Vigesima quinta Mensis Augusti Anno Salutis Millesimo Septingentesimo Undecimo.
Jo[annes] Francisc[us] Ep[iscop]us Frisingensis S[acri] R[omani] I[mperii] Princeps m[anu pro]pria
Jo[annes] Sigismundus E[pisco]pus Bellinen[sis
Suffraganeus et praepositus Cath[edralis] m[anu] p[ropr]ia
Jo[annes] Fran[ciscus] Comes a Maxlrein etc. Decanus m[anu] p[ropr]ia
Franc[iscus] Ant[onius] Begnudellius Bassus Can[onicus] S[ummus] Schol[asticus] et Vic[arius] g[enera]lis
Ob senium Reve[rendissi]mi et Illust[rissi]mi Domini
Senioris subscripsit
Franciscus Josephus Antonius L[iber] B[aro] de Roll
Canonicus et Sum[m]us Custos Cath[edra]lis Ec[c]l[es]iae
Thomas Passauer S[acro]s[antae] Theol[ogi]ae ei I[uris] U[triusque] Doctor,
Insg[n]is Eccl[es]iae Colleg[ia]tae S[ancti] Andreae Frisingae Can[oni]c[us],
Notari[us] public[us] Apost[oli]c[us] et Dioecesan[us]