[S. 1:]
PIUS PAPA SEPTIMUS
Cardinalis Hercules Consalvi Noster a Secretis Status, et
Liber Baro Casimirus de Haeffelin Episcopus Chersonesi Minister
Plenipotentiarius Regis Bavariae apud Nos et Sanctam hanc
Sedem in vim Instrumentorum respective Plenipotentiae sequentem
Conventionem sub die quinta Junii praeteriti inierunt, et subscripserunt.
Conventio
inter Sanctissimum Dominum Pium VII Summum Pontificem
et Majestatem Suam Maximilianum Josephum Bavariae
Regem
In Nomine Sanctissimae Trinitatis
Sanctitas Sua Summus Pontifex Pius VII, et Majestas
Sua Maximilianus Josephus Bavariae Rex debita sollicitudi-
ne cupientes, ut in iis, quae ad res ecclesiasticas pertinent, certus sta-
bilisque in Bavariae Regno terrisque ei subjectis constituatur ordo,
solemnem propterea Conventionem inire decreverunt.
Hinc Sanctitas Sua Summus Pontifex Pius VII in Suum Plenipo-
tentiarium nominavit Eminentissimum Dominum Herculem Consalvi
[S. 2:]
Sanctae Romanae Ecclesiae Cardinalem Diaconum Sanctae Agathae ad
Suburram Suum a Secretis Satus;
Et Majestas Sua Maximilianus Josephus Bavariae Rex Excellen-
tissimum Dominum Baronem Casimirum de Haeffelin Episcopum Cherso-
nesi Suum Ministrum Plenipotentiarium apud Sanctam Sedem.
Qui post sibi mutuo tradita respective Instrumenta in sequentes articulos convenerunt.
Articulus I
Religio Catholica Apostolica Romana in toto Bavariae Re-
gno terrisque ei subjectis sarta tecta conservabitur cum iis juribus, et
praerogativis, quibus frui debet ex Dei ordinatione, et Canonicis san-
ctionibus.
Articulus II
Sanctias Sua, servatis servandis, Bavariae Regni Dioeceseos
sequenti ratione constituet
Sedem Frisingae Monachium transferet, eamque eriget in Metro-
politanam, quae pro Dioecesi sua habebit territorium actuale Frisingen-
sis Dioecesis; ejus tamen Ecclesiae Antistes, ejusque Successores
Archiepiscopi Monachii et Frisingae nuncupandi erunt.
Eidem Antistiti Episcopales Ecclesias Augustanam, Passavien-
sem, et Ratisbonensem praevia Metropoliticae qualitatis suppressione,
in Suffraganeos assignabit. Anstistes tamen Passaviensis Ecclesiae
actu vivens exemptionis privilegio, quoad vixerit, gaudebit.
Bambergensem Cathedralem Ecclesiam in Metropolitanam eriget,
illique in Suffraganeos assignabit Ecclesias Episcopales Herbipolen-
sem, Eichstettensem, et Spirensem.